Tibet Mein Land - Freiheit Mein Recht
Tibet Mein Land - Freiheit Mein Recht

དང་བླངས་དཔྱ་དངུལ་ལག་དེབ།

དང་བླངས་དཔྱ་དངུལ་ལག་དེབ་དང་འབྲེལ་བའི་གལ་ཆེའི་གསལ་བསྒྲགས།

༄༅། །དགོངས་མངའ་བཞིན་བཙན་བྱོལ་བོད་མིའི་བཅའ་ཁྲིམས་དང་། བཙན་བྱོལ་བོད་མིའི་དང་བླངས་དཔྱ་དངུལ་དང་བསྡུ་དངུལ་གཞན་དག་གི་འབུལ་འབབ་ཁྲིམས་ཡིག་དགོངས་དོན་དང་བླངས་དཔྱ་དངུལ་ལག་དེབ་ཀྱི་དགོས་པ་གཙོ་བོ་བོད་ཀྱི་ཡུལ་མིའི་ལས་འགན་དུ་གསལ་བའི་དང་བླངས་དཔྱ་དངུལ་དང་ངེས་ཅན་བསྡུ་དངུལ་ཁག་འབུལ་རྒྱུའི་ཆེད་དུ་ཡིན་ནའང་། བར་སྐབས་ཤིག་ནས་བོད་མི་གང་ཙམ་གྱིས་སོ་སོའི་དགོས་དབང་ལ་གཞིགས་པའི་ལོ་རྒྱུས་ལ་སྒྱུར་བཅོས་ཇི་བཏང་ཁག་དང་བླངས་དཔྱ་དངུལ་ལག་དེབ་ཀྱི་ལོ་རྒྱུས་ལའང་དེ་བཞིན་སྒྱུར་བཅོས་གཏོང་དགོས་པ་ཇི་བཞིན་མ་ཐུབ་པའི་གནས་སྟངས་ཡོད་མུས་འདི་ལས་བོད་མིའི་སྒྲིག་འཛུགས་དང་སྒེར་གཉིས་ཀར་དཀའ་ངལ་འཕྲད་མུས་ཡིན་པར། དང་བླངས་དཔྱ་དངུལ་ལག་དེབ་ནང་མིང་དང་སྐྱེས་ལོ་ཟླ་ཚེས་ཕུད་གཞན་ལོ་རྒྱུས་ལ་སྒྱུར་བཅོས་མ་ཐུབ་པའི་དཀའ་ངལ་སེལ་ཐབས་དང་། དེ་བཞིན་རིམ་པས་དེ་ལྟའི་ནོར་བཅོས་བྱ་དགོས་ཀྱིས་ལས་རྙོག་མེད་པ་བཟོ་ཐབས་སུ་༸དཔལ་ལྡན་བཀའ་ཤག་ནས་དགོངས་བཞེས་ཀྱིས་ཕྱི་ལོ་ ༢༠༡༤ ཟླ་ ༡༢ ཚེས་ ༡ ནས་བཟུང་སོ་སོའི་མིང་དང་། སྐྱེས་ལོ་ཟླ་ཚེས། ཕ་ཡུལ། འདྲ་པར་བཅས་ལོ་རྒྱུས་སྙིང་བསྡུས་གསལ་བའི་ལག་དེབ་ཞིག་སྤྲོད་རྒྱུ་གཏན་འབེབས་གནང་སོང་བའི་ཆ་རྐྱེན་དང་། ཞུ་སྙན་འགེང་ཤོག ལམ་སྟོན་བཅས་ཀྱི་ཞིབ་གནས་འབྲེལ་ཡོད་སྐུ་ཚབ་དོན་གཅོད་དམ་ས་གནས་འགོ་འཛིན། ས་གནས་རང་བདེན་ཚོགས་ཆུང་སོ་སོར་བཏང་ཟིན་པས་རིང་མིན་ཁུངས་ཁྱབ་ཡོང་རྒྱུ།

 

ཡང་དཔྱ་དེབ་གསར་བཟོ་དང་། ལོ་རྒྱུས་ལ་ནོར་བཅོས། དེ་བཞིན་བོར་བརླགས་བསྐྱར་བཟོ་བྱ་དགོས་ཀྱི་འགེང་ཤོག་དང་། ཆ་རྐྱེན་བཅས་ཕྱི་ལོ་ ༢༠༠༨ ཟླ་ ༡༡ ཚེས་ ༥ འཁོད་༧དཔལ་ལྡན་བཀའ་ཤག་གི་ལམ་སྟོན་ལ་རྩ་འཛིན་སོར་གནས་ཡིན་པ་མ་ཟད། ཕ་མའམ་ནང་མིའི་ལོ་རྒྱུས་དང་མཐུན་དགོས་པའི་ཆ་རྐྱེན་ཡང་སོར་གནས་བྱ་རྒྱུ། ཕྱི་ལོ་ ༢༠༡༤ ཟླ་ ༡༢ ཚེས་ ༡ ནས་བཟུང་དཔྱ་དེབ་གསར་བཟོ་དང་ནོར་བཅོས། བོར་བརླགས་བསྐྱར་བཟོ་གང་ཡིན་ལའང་ལོ་རྒྱུས་སྙིང་བསྡུས་གསལ་བའི་དཔྱ་དེབ་སྤྱི་མཚུངས་སྤྲོད་རྒྱུ་ཡིན་པས། དེ་སྔོན་དཔྱ་དངུལ་ལག་དེབ་ནོར་བཅོས་ཆེད་འགེང་ཤོག་དཔལ་འབྱོར་ལས་ཁུངས་སུ་འབྱོར་ཟིན་པ་གང་ཞིག་ཆ་རྐྱེན་ཚང་མིན་གྱི་དོགས་དྲི་ཁུངས་སོ་སོར་སོང་ཟིན་པའི་གསལ་བཤད་ཡིག་ཆ་འབྱོར་བསྡད་ཕྱི་ལོ་ ༢༠༡༤ ཟླ་ ༡༡ ཚེས་ ༡༥ ནང་ཚུད་འདི་གར་ཕུལ་འབྱོར་ཟིན་པ་དགོས་རྒྱུ་དང་། དེ་རྗེས་ ༢༠༡༤ ཟླ་ ༡༡ ཚེས་ ༣༠ ནང་ཚུན་ནོར་བཅོས་ཐུབ་རེ་བྲལ་བ་དང་གསལ་བཤད་མ་འབྱོར་བ་རིགས་ཀྱི་ཞུ་སྙན་རྩིས་མེད་ཀྱིས་ཁུངས་འབྲེལ་ཟིན་པ་བྱ་རྒྱུ་ཡིན་པ་བཅས་ཀྱི་གསལ་བསྒྲགས་སུ།

དཔལ་འབྱོར་ལས་ཁུངས་ནས་ཕྱི་ལོ་ ༢༠༡༤ ཟླ་ ༡༠ ཚེས་ ༩ ལ།། 

Tibet Green Book དྭང་བླང་དཔྱ་ཁྲལ་ལག་དེབ།

༄༅། །རྒྱལ་ཞེན་མེ་ལྕེ་ལྟར་འཕྱུར་བའི་འཇར་འཁོད་བོད་རིཌ་ཡོངས་ཀྱི་སྙན་ལམ་དུ་ཞུ་རྒྱུར། གོ་ལ་གཅིག་གྱུར་གྱི་གནས་བབ་དང་རང་རེའི་རྒྱལ་ཁབ་གཞན་གྱིས་བཙན་འཕྲོག་བྱས་པ་བཅས་ལས་ངེད་ཅག་གངས་ཅན་པ་རྣམས་འཛམ་གླིང་གང་སར་ཐོར་ནས་གནས་ཡོད་ཀྱང་། དྭང་བླང་དཔྱ་དངུལ་འབུལ་རྒྱུ་དང་། བོད་རང་དབང་བསྐྱར་གསོ། ཆོས། གོམས་གཤིས། སྐད་ཡིག་སོགས་མིི་ཉམས་གོང་འཕེལ་དང་ཉམས་པ་སོར་ཆུད་བྱ་རྒྱུ་ནི་བོད་མིའི་ཤ་ཁྲག་ལ་བསྟེན་ནས་འཚོ་བར་རོལ་མཁན་གྱི་གང་ཟག་ཐམས་ཅད་ཀྱིས་མ་བསྐུལ་དྭང་ལེནགནང༌དགོས་པ་ནི་གླེང་ཅི་དགོས། དེས་ན་སྲི་ཞུ་སྒྲུབ་པའི་བརྒྱུད་ལམ་སྟབས་བདེ་ཤོས་ནི་དྭང་བླང་དཔྱ་འབུལ་རྒྱུ་དེ་ཡིན། མོད་ཀྱང་ཕྱི་ནང་གི་རྒྱུ་རྐྱེན་ལས་རང་རེ་འགའ་ཤས་ཀྱིས་དྭང་བླང་དཔྱ་དངུལ་འབུལ་རྒྱུ་ལུས་པ་དང། དྭང་བླང་དཔྱ་ཁྲལ་ལག་དེབ་མེད་པ་རིགས་དང་ཅི་མཆིས་པ་རྣམས། འཇར་འཁོད་བོད་རིཌ་ཚོགས་པའི་ས་གནས་སོ་སོའི་ཚོགས་གཙོ་ལ་འབྲེལ་བ་གནང་རོགས༎

༄༅། །སུད་སི་དོན་གཅོད་ཁང་ལ་དགོངས་སྐོར་ཞུས་ཏེ་གཤམ་གསལ་ཡུ་རོ་ཐོག་དཔྱ་ཁྲལ་ཚད་གཞི་གཏན་འབེབས་བྱུང་བ།།

 

རང་ལོ།   ༦    ཡན། ལོ་རེར་ཡུ་སྒོར ༢༧

རང་ལོ།   ༡༨   ཡན།

ལས་ཡོད་ལོ་རེར་ཡུ་སྒོར ༧༠ 
རང་ལོ།   ༡༨   ཡན། ལས་མེད་ནས་ལོ་རེར་ཡུ་སྒོར ༣༥
རང་ལོ།   ༡༨   ཡན། སློབ་མ་ནས་ལོ་རེར་ཡུ་སྒོར་ ༣༥

དང་བླང་དཔྱ་དངུལ་ལག་དེབ་ཀྱི་འགེངས་ཤོག

དཔལ་འབྱོར་ལས་ཁུངས་ནས་བཀའ་ཕེབས་དང་དཔྱ་དེབ་གསར་བཟོའི་ལམ་སྟོན་རྩ་འཛིན་དགོངས་དོན་བཞིན་དཔྱ་དེབ་གསར་བ་ཞུ་མཁན་རྣམས་ནས་ད་ཕྱིན་དཔྱ་དེབ་གསར་བཟོ་འགེངས་ཤོག་མཉམ་དུ་བོད་མི་དངོས་བདེན་ཡིན་པའི་ངོས་སྦྱོར་ཡང་བཀང་སྟེ་འབུལ་དགོས་འདུག་པས་དེ་དོན་དགོངས་འཇགས་ཞུ། 

རྒྱལ་དོན་མ་དངུལ་གྱི་དམིགས་ཡུལ་དང་དགོས་མཁོ། 

  • ༸གོང་ས་༸སྐྱབས་མགོན་ཆེན་པོས་དབུ་འཁྲིད་པའི་བཙན་བྱོལ་བོད་མིའི་སྒྲིག་འཛུགས་ལ་ངོས་ལེན་ཡོད་པའི་མཚོན་རྟགས།    
  • བཙན་བྱོལ་བོད་མིའི་སྒྲིག་འཛུགས་ཀྱིས་དཔལ་འབྱོར་རྟག་ཏུ་གཞན་བསྟེན་ཁོ་ནས་འཚོ་མ་དགོས་པར་བོད་མི་རང་གིས་དྭང་དུ་བླངས་ནས་སོ་སོའི་གཞུང་ལ་མཐུན་འགྱུར་རྒྱབ་སྐྱོར་ཡོད་པ་མཚོན་ཐབས། 
  • བོད་དོན་བདེན་མཐའ་མ་གསལ་བར་བཙན་བྱོལ་སྒྲིག་འཛུགས་སྲ་བརྟན་གནས་ཐུབ་ཐབས།   
  • དཔྱ་དངུལ་འབུལ་ན་བོད་ཀྱི་ཡུལ་མི་ཡིན་པར་ཁྲིམས་མཐུན་གྱི་ངོས་འཛིན་ཐོབ་ཐབས་བཅས་ཡིན།

༄༅། །དྭང་བླང་དཔྱ་ཁྲལ་འབུལ་དགོས་གྱི་དམིགས་ཡུལ་དང་དགོས་མཁོ་དེ་བཞིན་ལོ་རེར་དཔྱ་ཁྲལ་ཇི་འབྱོར་དང་དེས་བཙན་བྱོལ་གཞུང་ལ་ཐུགས་ཕན་ཇི་གསོ་སོགས་ཀྱི་ཐད་དཔལ་འབྱོར་དྲུང་ཆེ་ལགས་སུ་གནས་འདྲི་ཞུས་པར་གསན་རོགས

Letzte Änderung: 26.11.2014

22:27 CEST

Herzlich willkommen auf Verein der Tibeter in Deutschland e.V. offizielle Homepage! Sie befinden sich auf der umfangreichsten Webseite zum Thema Tibet und Menschenrechte in deutscher Sprache.

Druckversion Druckversion | Sitemap

Satzung | Advertise with us! | Kontakt

© 2011 Verein der Tibeter in Deutschland e.V.